|
PREMIOS NACIONAL Y REXONAL EMPRESA FLEXIBLE 2006
GRUPU LACERA recibió nel 2006 el Premiu Empresa Flexible na categoría Gran Empresa, qu’organiza Comunicación de Valor Añadíu (CVA) y el Ministeriu de Trabayu y Asuntos Sociales. Esti galardón reconoz les bones práutiques de xestión de recursos humanos que faen les compañíes en materia de conciliación de la vida familiar y llaboral.
El Premiu Empresa Flexible reconoció na xestión del GRUPU LACERA la so capacidá innovadora al desarrollar ferramientes de medición y comparación de los beneficios y costes vinientes de l’aplicación de les midíes del so Plan Concilia.
La conclusión d’estes mediciones foi, en tou casu, que los costos del “Plan Concilia”(costos sociales, costos de calidá, guardies, planes de comunicación, campañes de sensibilización y formación y les baxes por maternidá) traduxéronse n’inversión si se tienen en cuenta llogros tan oxetivos como los siguientes:
- L’amenorgamientu del absentismu nun 25% ente 2003 y 2005,
- La meyora na retención de personal con mínima rotación.
- La minimización de los conflictos llaborales más relevantes na empresa como falta de compromisu, la falta de puntualidá o la dificultá pa contratar, lo que fizo posible avanzar na optimización de los gastos de personal na contratación y reclutamientu.
Certificáu Premiu Nacional Empresa Flexible: Gran empresa nacional
Certificáu Premiu Asturias Empresa Flexible
|
