|
Grupu Lacera incorporó la igualdá d’oportunidaes entre muyeres y homes nel so Sistema de Xestión de Calidá y Escelencia.
- Axuntámonos al añu européu pola Igualdá
- Si quies comunicate col nuestru axente d’igualdá pa facer dalguna consulta, poner nel so conocimientu quexes, facer reclamaciones o aportar dalguna idea sobre Igualdá nel ámbitu llaboral, puedes facelo al traviés de la direición de corréu ellectrónicu: igualdad@lacera.es
- Participamos nel Proyeutu européu EQI.
EMPRESA PARTICIPANTE NEL PROYEUTU eQi, ESCELENCIA, CALIDÁ YA IGUALDÁ
- eQi: Proyeutu Equal
Trátase d’un proyeutu financiáu pol Fondu Social Européu y el Principáu d’Asturies al traviés de la iniciativa comunitaria Equal que quier:
- Promover y sofitar a les empreses na implantación de Bones Práutiques en materia d’Igualdá d’Oportunidaes, atendiendo tanto a una correuta xestión de los Recursos Humanos como a la responsabilidá social de les empreses.
- Afalar el desarrollu de sistemes de calidá y d’escelencia nel ámbitu empresarial que contemplen la xestión de la Igualdá d’Oportunidaes.
- Igualdá d’oportunidaes na empresa: dalgo más que valorar na xestión
- Frente a la competitividá creciente nel mercáu mundial, cada vez resulta más evidente que los recursos humanos d’una organización son el so activu más valoratible. Les empreses que consigan aprovechar el potencial de la totalidá de so mano d’obra, homes y muyeres, atoparánse nuna situación privilexada a la hora de competir.
- Pequeñes actuaciones nel senu de la empresa puen algamar, non sólo una meyora de la imaxen corporativa de cara a lo de fuera, sinón una meyora nel clima llaboral y na motivación de la plantiya.
- Les empreses participantes nel proyeutu eQi puen ser les primeres na integración de la igualdá d’oportunidaes na xestión de la calidá y constituise como modelu de Bones Práutiques.
- Excelencia, calidá, igualdá
- Responsabilidá Social Corporativa. Esti términu fai referencia a la xestión empresarial que sobrepasa’l marcu llegal mínimu nel qu’operen les organizaciones y fai por dar rempuesta a les espectatives que tienen los sos grupos d’interés.
- La meyor forma de satisfacer l’interés a llargu plazu tanto de la organización como de les persones que la integren ye con un enfoque éticu que perpase les espectatives y la normativa de la comunidá nel so conxuntu. Pue afirmase que les empreses más sostenibles serán siempre aquelles que seyan quien a crear un valor añadíu non sólo pa los veceros/es y l’accionariáu, sinón tamién pa los sos trabayadores y la comunidá en xeneral.
- El modelu EFQM d’escelencia contempla la igualdá d’oportunidaes con especial enfotu nel Criteriu 3, que fai referencia a persones. Y en concretu nel Subcriteriu 3ª: planificación, xestión y meyora de los recursos humanos.
- L’anovación y modernización de les empreses, la xestión de la calidá y el so apueste pola meyora continua han valir tamién pa una evolución y un compromisu con valores como Escelencia, calidá ya igualdá.
- Implantación del Proyeutu na empresa
¿Qué va a suponer pa les empreses participar nel eQi?, ¿En qué fases va a desarrollase?
- Información en profundidá sobre’l proyeutu.
- Autodiagnósticu de la empresa sobre la so situación en materia d’igualdá d’oportunidaes ente muyeres y homes.
- Realización d’evaluación per parte del equipu téunicu del proyeutu sobre la situación de partida del equipu téunicu del proyeutu sobre la situación de partida de la empresa respeutu a la igualdá d’oportunidaes ente muyeres y homes.
- Implantación de midíes correctores, col diagnósticu resultante de la evaluación y en función de los desequilibrios detectaos, planificaránse y echaránse a andar una serie de midíes correctores.
- Reconocimientu n’igualdá d’oportunidaes. Les empreses qu’implantaren con ésitu midíes correctores reconoceránse al traviés d’un certificáu que señale que la empresa tomó midíes pa la igualdá d’oportunidaes ente muyeres y homes nel so sistema de xestión.
Axúntase acreitación de GRUPU LACERA como empresa participante nel Proyeutu eQi, Escelencia, Calidá ya Igualdá.
|
