RECONOCIMIENTU DEL MODELU D’ESCELENCIA EUROPEA EFQM

Siendo conscientes de que desarrollamos la nuestra actividá nun mercáu cada vez más global y cambiante, namás podemos adelantanos a la competencia y asegurar la nuestra continuidá y supremacía algamando una bona xestión empresarial, empobinada a detectar les necesidaes de los veceros y a facer por satisfacelos.

Arriendes d’ello, decidimos buscar una ferramienta que nos dexara llegar a la escelencia empresarial, esto ye, toles práutiques sobresalientes na xestión de la organización, que conducen a resultaos basaos en conceutos fundamentales: orientación al veceru, lideralgu y enfotu, procesos y fechos, implicación de les persones, meyora continua ya innovación, aliances beneficioses, y responsabilidá social.

Decidimos trabayar según el modelu Européu d’Escelencia de Xestión (d’equí p’alantre EFQM) porque ye un esquema de reconocíu prestixu a nivel mundial que dexa diferenciar la nuestra bona xestión y midir los resultaos consiguíos. De toles árees nes que yá trabayamos, esti modelu abarca aquelles que nun algamaben les normes ISO 9001 ya ISO 14001, nes que yá tamos certificaos.

Como ventaya, el modelu EFQM dexa valorar el progresu del nuestru sistema de xestión pente medies de les autoevaluaciones que facemos de contino y que nos lleven a establecer planes de meyora. Asina mesmo, col funcionamientu d’esti modelu, faise tamién el siguimientu de les actuaciones n’árees como lideralgu, xestión de la nuestra plantiya, rellaciones col entornu y resultaos na sociedá.

El sellu de Bronce que consiguió GRUPU LACERA n’ochobre de 2005 supón la primer meta nel llargu camín hacia la escelencia qu’entamamos fai tres años. Trátase d’un reconocimientu que tienen menos de 100 empreses españoles y que pa la nuestra organización significa un gran ésitu, porque fuimos la primer empresa del sectorque lu algamó.